فيفي عبده: "معمولي عمل متحركش من السرير"
كشفت الفنانة فيفي عبده تفاصيل عن حياتها الفترة الأخيرة.
وقالت خلال لقائها ببرنامج ET بالعربي: “أكيد مليون في المية معمولي عمل متحركش من السرير لو أعرف مين اللي عملي العمل ده أبوس رجله فكهولي عشان حرام عليك أفضل في السرير وكل ما أقوم من حاجة ألاقي حاجة”.
وكشفت الفنانة فيفي عبده عن تفاصيل حالتها الصحية وعن العملية التي أجرتها الفترة الماضية وظهورها بعدها الذي أثار التساؤلات عن حالتها الصحية من حفل ملكة جمال الجنوب بلبنان.
وأضافت خلال لقائها ببرنامج ET بالعربي: “لأول مرة بطلع لجمهوري وأقوله ارحموني وده مش للي بيحبوني أنا عارفة إن كل الناس بتحبني وأنا حتى ممكن أحسد نفسي أو أختي أو بنتي أو أي حد بس الحس@د زاد عن حده معايا تعبت ومكنتش عايزة أضعف وأطلع أقول محس@ودة ومش عايزة عطف من الناس”.
وأردفت: “ أنا دايما واقفة زي الأسد وبطلع مبسوطة وبرقص فمش عايزة أكئب الناس.. هما بيصحوا كل يوم يدخلو على صفحتي يشوفوا أنا عملت إيه النهاردة في الميديا”.
فيفي عبده تكشف سر وصفة "السبع موجات": دعائي استجاب في البحر وحياتي اتشقلبت
و فى لقاء تليفزيونى سابق قالت فيفي عبده، خلال حلولها ضيفة على برنامج "كلام الناس": "أنا متعودة طول عمري أروح البحر أقرأ قرآن وأنا واقفة بنزل سبع موجات ورا بعض من غير ما خد نفسي علشان أغسل همومي وبتفائل بيها"، مؤكدة أن حياتها العملية تغيرت بعد دعائها في وسط البحر.
وأضافت: "جالي فترة قعدت كذا سنة مش بشتغل وكان عندي حالة اكتئاب ووزني زاد، وروحت مارينا، ووقفت في الميه وبصيت لربنا وقلت له وحياة موجك تنصفني على كل اللي ظلموني، وحياة ربنا طلعت من المياه لقيت المنتج طالبني، وكتبت على اسمه بسم الله الرحمن الرحيم بعد ما طلعت من السبع موجات".
وذكرت أنها منذ تجسديها شخصية "كيداهم" في مسسلسل كيد النسا، وحياتها العملية تغيرت للأحسن، قائلة: "المنتج قال لي سمية الخشاب معايا، وعملنا كيداهم وافتحت الدنيا ما شاء الله كان مسلسلي نمرة واحد، وبعدين عملت مولد وصاحبه غايب مع هيفاء، ومسلسل كيداهم كل كلامي في المسلسل تأليفي عملت شخصيتي الطبيعية، لأن أنا تركيبتي وشخصيتي كده".
