صابرين لمنتقدي خلعها الحجاب: “اللي هينزل معايا القبر يحاسبني"

قالت الفنانة صابرين، إنها عندما قررت ارتداء الحجاب كانت مؤمنة بتلك الخطوة جدا، مردفة: “كنت كمان في لحظات لخبطة”.

أشارت صابرين في لقاء خلال برنامج “كلمة أخيرة“، الذي تقدمه الإعلامية لميس الحديدي، مساء الثلاثاء على قناة “ON”، إلى أن تلك الخطوة كانت بمثابة عزوف عن الدنيا والتمثيل، مضيفة: “وكان في حالة انفصال في البيت ولخبطة”

تابعت: “أهم حاجة الواحد يعمل الشيء بصدق وميكونش حد رغمك على حاجة، وقت ما قررت أفك الحجاب حسيت إني لا بعمل الصح قوي ولا الغلط قوي، فقولت ليه أنا بوشين! ومواربة باب الباروكة والناس تهاج@مني عليها؟!”.

أردفت: “حسيت يعني إيه لو كسبت العالم وخسرت نفسي، وفي لحظة من اللحظات حسيت حابة شكلي كده أكتر وحابة أبقى مش فيك، في تصالح ورضا. يعني محدش بيسألني أنتي صليتي ولا

 صومتي، لكن محدش يعرف واجباتك اللي في السر قوي ودي أسمى العلاقات بينك وبين اللي خلقك”.

أضافت: “عشان كده بقول يا جم#عة اللي هينزل في الق@بر معايا هو اللي يحاسبني، في ناس بتبقى حابة تنصحك على السوشيال ميديا بطريقة لذيذة بتقبل دا ومبزعلش منه، لكن في ناس بتهاج@م”.

لفتت إلى أن العبرة بالخواتيم، مشيرة إلى أنها منذ ارتدائها “الباروكة” بعد خلع الحجاب وبدأت تتلقى الهج@وم من الجمهور، مردفة: “حسيت اللقب بتاعي هيبقى صابرين أم باروكة”.

يذكر أن آخر أعمال “صابرين” هو مسلسل “كله بالحب” من بطولة زينة، وأحمد السعدني، وصابرين، وهالة فاخر، ومصطفى درويش، ومحسن منصور، وريم البارودي، وسامر المصري، ومن تأليف محمد الشخيبي، وإخراج عصام عبد الحميد