شيرين رضا عن مهرها«موافقة بـ100 مليون دولار»

ردت الفنانة شيرين رضا على الجدل الذي أثير بعدما كشفت عن مهرها من زوجها السابق الفنان عمرو دياب، ووالد ابنتها «نور».

وقالت رضا، في لقائها مع برنامج «et بالعربي»: «المهر ده حاجة رمزية، غير كده أنا بشوفه أنه بيشتريني، أنا بالنسبالي أُفضل حاجة رمزية، ولو مش 25 قرش تمام أنا موافقة بـ100 مليون دولار».

وأضافت أن ابنتها نور عمرو دياب لها حياتها الخاصة، وهي من تقرر لنفسها، متابعة: «أنا كل اللي أقدر أعمله إني أقولها التجارب بتاعتي، وأنا مقولتش إني مش عايزاها تتجوز، قولت عايزاها تبقى سعيدة».

شيرين رضا: لسه مبلغتش.. وشايفة نفسي بنت عندها 28 سنة

أكدت الفنانة المصرية شيرين رضا أنها تشعر كما لو كانت "بنت صغيرة عندها 28 سنة"، معتبرة أنها لا تزال تعيش طفولتها حتى الآن.

وقالت شيرين رضا، إن والديها رزقا بها بعد 6 سنوات من الزواج، وأن والدها كان يريد فتاة؛ لذا كانت المدللة في البيت.

وأضافت أن والدها رغم ذلك كان يعلمها المسئولية والاعتماد على النفس منذ الصغر، موضحة أن جمالها كان مثار قلق من ناحيته.

وتابعت: "والدي قالي وأنا صغيرة أنت حلوة أوي وده هيسبب لك مشاكل كتيرة، قلت له إيه ده ليه؟ لكن اكتشفت أن لما بتكون صغير في السن مبتفكرش في اللي هيحصل، ولما كبرت فهمت أن الجمال بيخلي الستات هتغير والرجالة هتحاول تقرب منك.

واعتبرت الفنانة المصرية أن "الجمال ليه تمن لازم تدفعه ومينفعش تعتمد عليه عشان تلاقي حياة أفضل لأنه ممكن يضيع في لحظة".

وأشارت إلى أنها لا تزال تعيش طفولتها، مضيفة: "شايفة نفسي بنت عندها 28 سنة ولما توصل 30 سنة بتكون بلغت وأنا لسه مبلغتش ومش بحاول أصغر نفسي وأتصرف كطفلة".