الهام شاهين: كنت بحب اتجوز "الرجالة الكبار"

وأضافت: حتى لو الواحد اختار فستان مش مناسب ميستاهلش الحرب الفظيعة دي، أنا مش بحب السوشيال ميديا، بحتقر السوشيال ميديا، دول ناس تافهين وفاضيين، كلهم مستخبيين ورا أجهزة وخلاص.
وأوضحت أنها لا تقبل أن يقوم ناس "تافهين" بانتقاد البعض "عمال على بطال"، على حد قولها، مضيفة: فيه حاجة اسمها قرصة ودن، مش سفالة وبذاءات.
سماح أنور " تعرضت لسوء معاملة "
وتعقيبا على تصريحات للفنانة سماح أنور، أعربت فيها عن ندمها على مشاركتها في فيلم "يوم للستات"، وعن سعادتها للغاية من حذف مشاهدها من الفيلم، الذي كان من إنتاج إلهام، قالت شاهين: سماح أنور دي صحبتي جدا، وعشرة عمر بالنسبة لي، وتعرضت لسوء معاملة خلال الفيلم، في أخر مشهد تصوير، وظُلمت.
وأضافت: تم تصوير الفيلم على مدار سنتين ونصف، وفي تلك الأوقات دخلت الفنانة سماح أنور في عمل فني جديد مما أثر على شخصيتها في فيلم يوم للستات، فتم حذف كل دورها.
كيف نجت الهام شاهين من الطرد من أكاديمية الفنون؟
تذكرت الفنانة إلهام شاهين، إنها كادت أن تتعرض للفصل من المعهد العالي للسينما، بسبب قفزها من فوق سور المعهد، للحاق بإحدى المحاضرات، وأضافت: أنا كنت عصفورة ونشيطة وأنا في المعهد، وكنت بنزل من بيتي في مصر الجديدة عشان أروح الهرم مكان المعهد، وفي يوم اتأخرت، وعربيتي عملت حادثة فاضطررت أنط من فوق السور المعهد.

وتابعت: مكنتش عاوزه أضيع محاضرات، الدكتور فوزي اللي كان ماسك المعهد العالى للسينما شافني بعد ما نطيت السور وبدخل من الشباك لأن الباب اللي جوه المعهد كمان كان مقفول، كان عاوز يفصلني قعدت أعيط وقولتله مش هتتكرر تاني، ودخلت.
من قال لالهام شاهين أنتي مين يا تافهة؟
كشفت إلهام تفاصيل مشاجرتها مع المخرج الراحل حسن الإمام، قائلة: حسن الإمام كان جايبني مكان نجمة كبيرة جدا أمثل دور في فيلم "ابن مين في المجتمع" وأنا مكنتش مثلت في السينما قبل كده، لأني كنت لسه في أولى معهد، اختاروني وعملوا اختبارات وقالي أنتي هتبقى فاتن حمامة الجديدة.
وأكدت أن حسن الإمام أعجب باختباراتها أمام الكاميرا، فطلب من المنتج إمضاء العقد معها على الفيلم فورًا، فردت عليه: مش همضي على حاجة غير لما أقرأ السيناريو"، الأمر الذي أغضب الإمام وقال "أنتي مين يا تافهة أنتي، وقالت: قعد يشخط فيا ويزعق وأنا عيطت، وقولتلهم مش هشتغل معاه خالص".