أبرز تصريحات منال عبد اللطيف طليقة زوجي قاعدة معايا في البيت..

منال عبد اللطيف:"قابلت حازم وحصلت كيميا بينا لكن كنت رافضة موضوع الجواز"
كشفت الفنانة منال عبد اللطيف عن بداية علاقتها بزوجها وأنها كانت رافضة الزواج، قائلة:"قابلت حازم وحصلت كيميا بينا لكن كنت رافضة موضوع الجواز وفرح بنتي اتعرفت على حازم واتعرفت على بنته وحبوا بعض "، 
وتابعت: " حازم زوجي قال لفرح بنتي أنه عايز يتجوزني وماما رافضة وانا هبقى باباكي وشوفي اوضتك حلوة أوي وهنعيش سوا، وفرح جت قالتلي يا ماما أنا بحب بابا حازم ونفسي أعيش معاهم في البيت ووافقي عشان خاطري ووافقت" وأكملت:" حازم شايلها الموضوع ده لغاية دلوقتي ومفيش فرق بين التلت بنات في البيت وانا بشكره وبشكرني لان في بينا احترام ومودة وحب".
منال عبد اللطيف: "نت أعيش أنا وطليقة زوجي بنفس المنزل".
كشفت الفنانة منال أنها كان يوجد بينها وبين طليقة زوجها علاقة طيبة، وأنها كانت تعيش معها في

[[system-code:ad:autoads]]

 نفس المكان، وأنها كانت تحبها وترعاها، موضحة: " كنت أعيش أنا وطليقة زوجي بنفس المنزل، 
وهي كانت تحتاج للرعاية قبل وفاتها وكانت مش مصرية ومكنتش تعرف حد في مصر ومكنتش حابة ابنتها مريم تبقى لوحدها مع والدتها في الوقت ده، وجيراني كانوا مستغربين أن طليقة زوجي قاعدة معايا في البيت بس أنا مش ببص على المسمى".
الفنانة منال عبد اللطيف
منال عبد اللطيف: "بعد ما توفت والدة مريم بقيت أعتبر التلاتة عندي واحد".
أشارت الفنانة منال أن بعد وفاة طليقة زوجها اعتنت بابنتها كأنها ابنتها تمامًا، معلقة: "بعد ما توفت والدة مريم بقيت أعتبر التلاتة عندي واحد وبعاملهم نفس المعاملة، وأصبحت مسئولية البنات التلاتة في إيدي أنا، وال3 بنات بالنسبالي هما كل حاجة في الحياة ولما مريم أبنه جوزي جت تعيش معانا بقى عندي 3 بنات، لأن مامت مريم كانت غاليه عندي أوي الله يرحمها وكنت بحبها جدًا".